Hai tempo que quería preparar berenxenas ao forno e lembreime da receita que preparaba unha amiga, que as facía con anchoas. Esta é a receita, con algunha variación. Son moi fáciles e rápidas de preparar.

Ingredientes:2 berenxenas medianas, 6 filetes de anchoas en conserva, 4 culleres de salsa de tomate, queixo parmesaro relado, 1 ovo, pementa negra moída.

Elaboración:
Cortar as berenxenas á metade ao longo.Meter as berenxenas no microondas a máxima potencia durante un 10 minutos ou ata que estean ben feitas.Deixar arrefriar e separar a pulpa da pel das berenxenas.Triturar a pulpa, engadir os ovos, a salsa de tomate, as anchoas, o queixo ao gusto e a pementa. Triturar todo xunto ata ter unha mestura homoxénea.Encher as peles de berenxena coa mestura preparada. Botar un pouco de queixo relado por enriba.Acender o gratinador do forno a 180ºC.Meter as berenxenas no forno e deixalas ata que estean torradas.
Dificultade: Moi fácil.
Tempo aproximado: 1 hora.
Alérxenos:

...